好多產婦喺坐月嘅第一個星期就開始飲炒米茶，甚至有啲產婦坐月期間會用炒米茶嚟代替水飲用。到底炒米茶有咩功效呢？
{adv here}
炒米茶3大功效
1. 解渴暖胃
炒過嘅大米煮出來嘅米茶，可以為啱啱生完BB嘅產婦補充體內水份，仲可以增強食慾。
2. 消食去脂
炒米嘅過程中，米入面所含嘅澱粉質會被破壞、分解，變成活性炭，可以將胃裡面嘅脂肪吸走，然後排出體外。如果飲米茶時連同煮過嘅炒米一齊食埋，功效會更明顯。
3. 瘦身減糖
大米嘅澱粉質被破壞後，自然糖份都會減少，就算經常飲用，都唔需要擔心血糖過高。
{adv here}
炒米茶製作方法
Step 1：炒
炒米呢個工序非常重要，應該先用細火將鑊燒至八成熱先放入米，再用鑊鏟不停翻炒，直到炒至呈金黃色。要注意：
1. 鑊嘅溫度唔可以太高，炒制時間亦唔可以太長，否則容易將米炒燶；相反溫度亦唔可以太低，時間唔可以太短，否則米會未炒熟，煮出來嘅米茶就會唔夠香。一般情況下，炒10分鐘即可。如果用嘅係糙米，炒制時間就要長啲。
2. 炒制時唔可以加入油或者其他材料。
{adv here}
Step 2：煮
煮米茶時需要注意幾點：
1. 剛炒好嘅米唔可以即刻加水煮，要放涼後先可以加入沸水煮制，要注意唔可以用凍水或者暖水，否則米粒會煮成糊狀。
2. 米同水嘅比例係1∶1.5。
3. 煮米嘅火候要注意，米煮到爆開時就要熄火。
4. 煮米茶時唔需要加任何調味料，通常係飲嘅時候先加。
資料來源：每日頭條
