好多人都習慣將雞蛋放入雪櫃保存，冇咁易變壞吖嘛！朱古力會溶，所以保存喺溫度低嘅位置最適合，放入雪櫃就最好不過啦！究竟咁做有冇錯？
雞蛋不能放在室溫保存？
有人認為，雞蛋有可能含有沙門氏菌，儲存喺室溫會令沙門氏菌大量繁殖，影響品質。喺英國一項研究中，研究人員比較兩盒分別放咗喺室溫同雪櫃14日嘅雞蛋，結果顯示，兩盒雞蛋中嘅大腸桿菌、沙門氏菌、金黃葡萄球菌同李斯特菌含量冇分別。
{adv here}
是否代表雞蛋唔需要冷藏？外國嘅研究有一定嘅參考價值，但要注意一點，研究中嘅溫度只有攝氏20~22度，而喺香港夏天嘅室溫高達30度，除非你家中廚房同實驗室一樣長年恆溫，否則雞蛋都係放入雪櫃保存比較穩陣。
另外一點要留意，沙門氏菌耐熱性低，攝氏75度以上嘅溫度已經足以將菌體殺死，所以只要將雞蛋煮熟就冇問題。食用未經煮熟嘅雞蛋，例如滑蛋同溫泉蛋，都有一定風險。
{adv here}
冷藏朱古力會影響品質？
儲存溫度同濕度對朱古力有好大影響，經冷藏後嘅朱古力會容易變質、走味。將朱古力放入雪櫃會因為溫差太大而令朱古力嘅脂肪浮面，形成一層稱為白霜花（fat bloom）嘅白色霜狀物質，令朱古力外觀變得凹凸不平。環境過於潮濕的話，可能會令朱古力嘅表面產生糖晶（sugar bloom）。白霜同糖晶會令朱古力變得粗糙，冇咗入口即溶嘅滑順口感。
一般情況下，應該將朱古力放喺陰涼、乾燥嘅位置。如果夏天溫度高，擔心朱古力會溶，可以先將朱古力放入保鮮袋密封，再放入雪櫃儲存。
資料來源：自由日報，ETtoday
