營養師表示，懷孕後體內黃體素濃度升高，令人容易覺得攰；作嘔作悶、抽筋、頻尿等嘅嘅症狀都好容易令人覺得攰，所以要補充含有蛋白質、維他命B雜嘅食物嚟提神同增強體力。雞蛋、瘦肉、魚肉、大豆製品都係優質蛋白質來源；糙米、胚芽米、燕麥、深綠色蔬菜及核桃就含有豐富嘅維他命B雜，建議準媽媽多食呢啲食物。
{adv here}
{adv here}
如果懷孕期間喺返工時想食啲嘢提神，可以選擇鮮奶、燕麥飲料同埋乳酪。燕麥飲料含有較多嘅維他命、礦物同埋纖維，營養價值高，添加劑都比較少。牛奶、黑芝麻豆漿、燕麥豆漿就可以補充蛋白質同維他命B雜，醒腦提神，建議媽咪可以跟住呢個方向選購。購買食物時首選係無糖，因為糖分會消耗能量，降低提神效果。
怕咖啡傷到寶寶 可改飲100%純果汁
唔少打工仔每日都依賴咖啡，但準媽媽如果攝取太多咖啡因，會增加懷孕風險同埋影響寶寶發展。孕婦一日最多可以攝取200ml咖啡 (大概係2杯細杯裝美式咖啡嘅含量)。因為茶、可樂同朱古力都含有咖啡因，如果飲咗咖啡就盡量唔好食呢啲食物，否則咖啡因含量好易超標。
{adv here}
唔飲咖啡但又搵唔到冇咖啡因嘅提神飲品嘅話，100%純果汁都係唔錯嘅選擇。果汁嘅維他命同抗氧化劑有助能量代謝，係好有效嘅提神飲品，加上果汁有養顏美容嘅功效，媽咪可以選擇高纖維、低升糖指數嘅純果汁，例如蘋果番石榴汁、奇異果蘋果汁、橙汁，避免飲高升糖指數嘅西瓜汁、荔枝汁，否則血糖容易標升。
資料來源：華人健康網
