對於某啲人嚟講餵母乳係一件好幸福嘅事，因為可以享受埋身餵BB嘅美好時光，但亦有一部份人唔鍾意，就係因為咁被人標籤做唔好嘅媽媽，到底由幾時開始埋身餵人奶變成好媽媽嘅標準呢？
{adv here}
{adv here}
以下係匿名媽媽喺Scarymommy網站分享嘅母乳媽媽辛酸事，佢希望藉著分享，話畀選擇用奶樽餵奶嘅媽媽知道「你並不孤單」。
點解會討厭埋身餵？
1. 餵母乳幾乎佔據我所有時間
一日24小時就要餵7次，比起原本預計嘅仲要多。每兩小時就要餵一次，每次餵就要用一小時，呢頭執好嘢，嗰頭餵奶時間又到。
2. 餵母乳好痛！
將身體最柔軟嘅部位撕裂，直到流血，呢種痛楚真係母乳媽媽口中嘅美好時光？
3. 唔知BB飲咗幾多
埋身餵唔會清楚到底BB飲咗幾多，成日都擔心佢飲得太少會餓親佢。
4. 埋身餵責任只能自己承擔
即使有一位樂意參與育兒嘅老公，埋身餵人奶佢始終幫唔到手。BB可唔可以健康成長嘅責任就落喺媽媽身上，都幾大壓力。
{adv here}
5. 公眾場合餵母乳，好害羞
即使社會對喺公眾場合親餵嘅媽媽有好多鼓勵支持聲音，有啲媽媽都仲會覺得好唔自在，只要有人靠近就會好想即刻搵地方匿埋。
6. 罪惡感
每次用奶樽餵BB都會覺得自己做錯事，好似冇畀BB足夠嘅愛。我花咗好多時間先至體會到我唔係一個衰媽媽，我只係唔擅長埋身餵。作為一個媽媽，我認為過去甚至將來都唔應該用埋身餵母乳嚟定義一個人係咪一個好媽媽。
餵奶粉唔係罪，用奶樽餵人奶都唔係，應該要交畀媽媽自己例決定，而唔係令到媽媽們有罪惡感，畢竟養育BB都好辛苦，無論媽媽係全埋身、奶樽餵人奶，或者餵奶粉，都唔會改變媽媽對BB嘅愛。
資料來源：華人健康網
