咩係羊水？
羊水喺子宮入面保護同滋潤住BB，羊水含有重要嘅營養成分、激素同埋抗體，係BB生命維持系統最重要嘅一部份，喺懷孕中期， BB就會開始呼吸同埋吞羊水。
足月嘅時候，羊水大概有800至1000ml。羊水係無色透明嘅鹼性液體，當中90%以上係水份，另外含有礦物質、尿素、尿酸、肌酐、胎脂同埋胎兒上皮細胞等等。
{adv here}
{adv here}
起初羊水係由媽媽身體嘅水份組成，但慢慢BB嘅尿液就會佔最大比例，大概喺懷孕20週左右，羊水就差唔多完全被BB嘅尿液取代。
正常羊水量係幾多？
隨着懷孕進展，羊水份量都會逐漸增加， 36週左右達到最高點。
懷孕12週有60ml
懷孕16週有175ml
懷孕34至38週有400-1200ml
媽媽喺做產檢嘅時候，超聲波都會顯示「羊水」一項， BB幾多週大，就要具備相應嘅羊水指數，羊水過多或過少都會影響BB健康發育成長。
羊水過多會點？
正常懷孕期間嘅羊水會隨着懷孕週數而增多，最後二至四週就會開始減少，懷孕足月嘅時候羊水大概有1000ml（800-1200ml），懷孕期間羊水如果超過2000ml，就屬於羊水過多。
根據美國懷孕協會(American Pregnancy Association)數據，只有1%嘅人有羊水過多嘅情況。喺多胎懷孕入面，媽媽都會產生過多液體，輕度羊水過多嘅病例一般都唔需要治療。
{adv here}
媽媽羊水過多最常見嘅原因係妊娠糖尿病，仲可能係BB某啲重要器官發育異常或者畸形，例如神經管陷性畸形等，有啲染色體畸形都會引起羊水過多。
羊水過多對媽媽同胎兒產生不良影響，由於子宮過大，令到膈肌上移，壓迫胸腔，令媽媽呼吸急速，心跳加快，消化不良等等。腹壓增高，造成下肢靜脈曲張，下肢同埋外陰水腫。係分娩嘅時候，容易引起宮縮乏力同埋產後出血。羊水過多， BB喺子宮入面過於浮動，容易胎位不正。穿羊水時，最常見係臍帶脫垂。
其他羊水過多嘅併發症包括：
– 早產
– 胎膜早破
– 胎盤早剝
– 死胎
– 產後出血
– 胎位不正
資料來源：每日頭條
