提升寶寶免疫力，係父母最大嘅心願！ 醫生就指出，六個月至三歲嘅寶寶，除咗飲母乳之外，仲應該增加可以幫助腸道吸收嘅膳食纖維，令寶寶免疫力提升。
{adv here}
{adv here}
腸道健康 免疫力關鍵
基本上，0至3歲嘅寶寶， 均衡同埋完整嘅營養攝取就係提升免疫力嘅最佳方法，而腸道健康就係決定免疫系統發展嘅重要關鍵。除咗母乳之外，有研究證實配方奶入邊添加咗嘅膳食纖維，包括益菌元（Prebiotics）有助腸道健康。膳食纖維、半乳寡醣(GOS)及果寡糖(FOS)等醣類物質都係益生菌嘅食物來源。益生菌會利用呢啲食物繁殖，同時亦都會產生有機酸，促進腸道表皮細胞嘅正常代謝機能，維持免疫屏障唔會受到破壞，對於寶寶嘅免疫系統有幫助。
身體健康 營養應均衡
除咗飲母乳來提升幼兒嘅免疫力之外， 寶寶由4~6個月大開始就應該加固體食物或者飲配方奶，喺呢個時候盡量畀小朋友攝取多元化嘅營養，唔好剩係食某種食物，咁樣會好容易養成偏食習慣。
其實可以提升免疫力嘅食物有好多，例如：全穀類食品，菇類，新鮮深黃或綠色蔬果，黃豆製品，適量嘅、蛋、魚、瘦肉，乳酪、大蒜、洋蔥等食物，都係有效提升免疫力嘅食物。
{adv here}
4個健康小貼士
1. 要補充營養，但唔可以倚賴保健食品。
2. 要有充足嘅睡眠，唔好日夜顛倒。
3. 要參加戶外活動，唔好流汗後吹風。
4. 要運動，但唔好太劇烈。
【醫生小提示】
經常攝取有豐富膳食纖維、半乳寡醣(GOS)及果寡糖(FOS)嘅食物，例如，全穀類、豆類、海藻類、蕈類、新鮮蔬菜同埋水果等，適量攝取蛋白質同脂肪，同埋每星期食兩至三次乳酪補充益生菌，就對身體免疫力調整有強大效果。
資料來源：壹讀
