「一孕傻三年」呢句說話到底係事實定係謠言，佢背後有冇科學根據？
「孕傻」嘅「傻」係指乜嘢？
「孕傻」症狀主要係懷孕媽媽變得冇記性，好難集中到注意力，同埋思想處理能力降低等。但係大家要注意，孕傻唔係指懷孕媽媽有咗寶寶就真係會變「傻」，呢種傻係因為懷孕頭3個月荷爾蒙產生咗變化，呢個時候激素孕酮慢慢上升，而甲狀腺水平就開始降低。因為生理上變化令到懷孕媽媽變得健忘、思考能力降低等等，而唔係佢哋個腦出現咗問題。
{adv here}
{adv here}
有好多懷孕媽媽都擔心，呢種「狀況」會唔會返唔到轉頭？各位懷孕媽媽唔使擔心，呢啲「孕傻」嘅症狀唔會維持好耐，隨著寶寶出生，同埋生完寶寶後月經周期恢復咗之後，懷孕媽媽會慢慢恢復返原本嘅狀態，「孕傻」嘅情況就會慢慢消失。
點解會出現「孕傻」嘅情況?
1. 體內激素水平影響
英國有學者研究發現，懷孕之後女性體內嘅雌二醇含量係月經周期入面最高水平嘅30倍。喺呢啲激素影響下，懷孕媽媽嘅腦容量喺懷孕期間會降低4%。
{adv here}
2. 準媽媽轉移咗生活重心
澳洲有專家向2500個女性做咗一個長達10年嘅智力水平研究，發現女性嘅智力水平喺懷孕前同埋懷孕期間冇太大分別。專家指出準媽媽覺得自己智力水平下降嘅原因，其實係佢哋嘅注意力都集中喺「懷孕」呢件事上，以前覺得有興趣、注重嘅嘢都變得唔重要。而且，有部份準媽媽仲有失眠嘅困擾，睡眠不足，自然會影響準媽媽嘅記憶力同埋大腦嘅反應能力。
3. 準媽媽嘅精力唔夠懷孕前充足
懷孕之後，準媽媽嘅精力已經俾寶寶分咗一大部分，所謂嘅「變蠢」其實係因為俾寶寶分散咗精力同埋體力，令你覺得好攰，唔係智力下降，而係好難集中到腦力同埋注意力。
資料來源：尋夢新聞