高齡產婦唔一定係高危險產婦，而低齡產婦都未必係低危險產婦。其實年齡只係判斷產婦風險嘅其中一個標準。
好多人以為高齡產婦生寶寶一定好危險，但對於注重養生，飲食健康，有經常做運動嘅婦女嚟講，身體年齡反而會比同齡女性年輕。比起實驗年齡，「身體年齡」更加真實，會更直接影響到孕婦嘅體力、生產風險等等。
{adv here}
一般而言，高齡產婦嘅風險包括以下兩種，排除以下風險後，其實產婦所承擔嘅風險同年輕孕婦並無分別。
1) 染色體異常風險
高齡產婦染色體異常嘅風險較高，但目前可以透過非侵入性染色體檢測(NIPT)、第一孕期妊娠風險評估暨頸部透明帶檢查、羊膜穿刺染色體檢查等篩查，可以喺20週前確定胎兒係咪有染色體異常情況。
{adv here}
2) 本身疾病風險
目前對於高齡產婦嘅定義係超過34歲，建議已經到達呢個年齡嘅婦女，懷孕前先進行健康檢查，因為如果本身有高血壓或糖尿病等疾病，相對懷孕風險會較高。如果肝腎功能、膽固醇指數、體脂率、BMI值都正常，冇高血壓、糖尿病等慢性疾病，子宮動脈血流檢查結果都係正常，咁基本上可以放心懷孕。
咁高齡產婦仲有啲咩要特別注意呢？其實抱住平常心，將自己當成一般孕婦就得，千祈唔好「自己嚇自己」。周圍嘅人可能會畀好多壓力你，知道你係高齡產婦就表現得過份緊張，所以佢哋更加要時刻保持住輕鬆愉快嘅心情，唔好畀其他人影響到。
資料來源：今周刊
