好多人都知,壓力太大就會好難懷孕。美國一項研究發現,女性喺排卵期,如果比平常感覺更大壓力,當月成功懷孕機率就會減少40%。
壓力指數上升一單位 受孕率下降46%
研究當中,研究人員以400名40歲以下嘅女性為研究對象,呢啲女性都有規律性生活,而且冇避孕,但研究對象當中只有大約1/3積極想懷孕。參與研究嘅女性,每日都會記錄自己嘅壓力指數,連續紀錄20個生理週期,或記錄至懷孕。
{adv here}
研究顯示,女性喺排卵期,壓力指數每上升一個單位,受孕機率就下降46%,一般而言,大約生理週期第14日就會進入排卵期,研究人員納入年齡、身體質量指數(BMI)、酒精使用情況、性行為頻率等變數,結果都係一樣。
壓力會干擾大腦、卵巢訊號
研究發現,壓力對於胚胎著床並冇影響,如果已經懷孕,胚胎通常會喺排卵期後6至10日著床,研究雖然發現壓力同懷孕有關,但並冇證實兩者嘅因果關係,研究作者認為,壓力會干擾大腦、卵巢嘅訊號傳遞,導致排卵機率下降,有可能係造成難懷孕嘅主要成因。研究亦發現,懷孕女性喺生理週期末期壓力會比較大,可能係因為雌激素、黃體素濃度增加,而導致情緒出現起伏變化。
適度運動有助減壓
每日運動30分鐘,每星期運動5次可以減輕壓力,不過運動太多都會影響受孕機會,建議適度運動即可。
資料來源:Miss Care
{adv here}