【奶樽應該如何清洗消毒？】

2018-08-24
PT話題, 所有文章, 育兒百科, 育兒貼士

正所謂「病從口入」，家長們對於奶樽嘅清洗、消毒都十分重視。到底奶樽應該點樣消毒？消毒前要點樣清洗？今次就為大家介紹幾種常見嘅奶樽消毒方法以及消毒前嘅正確清洗步驟。

{adv here}

消毒前如何清洗奶樽？

洗奶嘴：用奶嘴刷仔細清洗。近奶嘴孔位置比較薄，要小心唔好整爆，洗嘅時候要注意清洗奶嘴孔嘅奶垢，確保奶嘴孔保持通暢。

洗奶樽：餵完奶後，將殘餘嘅奶先倒掉。用水沖洗奶樽，倒入奶樽專用清洗液，用奶樽刷將每個角落都清洗乾淨，清洗時要特別注意樽頸同螺旋位。

注意：最好寶寶飲完奶後馬上清洗，如果隔一陣先洗，殘留喺奶樽嘅油脂會比較難清理。

消毒奶樽的3種方法

1) 煮沸消毒法

準備一個不鏽鋼煲，裡面裝滿凍水，水嘅深度要完全覆蓋所有已經清洗過嘅餵奶用具 (不鏽鋼煲要係消毒奶樽專用)。玻璃奶樽一要凍水落煲，等水煲滾後再放入奶嘴、奶樽蓋等塑膠製品 (如果係塑膠奶樽，就要等水煮滾後一同放入)。滾水中浸泡3～5分鐘後熄火，等到水稍涼後，再用消毒過嘅奶樽夾取出奶樽、奶嘴、奶樽蓋等，並置於乾淨通風處，倒扣瀝乾。

注意：如果奶樽係倒立放入，水位應該大約到奶樽的2/3處；如果係橫放，水位應該蓋過奶樽。

{adv here}

2) 蒸氣式消毒法

同滾水消毒嘅原理一樣，都係運用高溫殺死細菌。

使用方法：將奶樽及其配件洗乾淨後，放入蒸氣式消毒機，根據說明書上的操作指南使用。

3) 紫外線消毒法

紫外線輻照能量低，穿透力弱，只可以殺滅直接照射到嘅微生物，所以消毒時必須確保消毒部位充分暴露於紫外線下。紫外線消毒嘅最佳溫度範圍係20-40℃，溫度過高或過低都會影響消毒效果。

使用方法：將奶樽及其配件洗乾淨後，放入紫外線消毒機內，按下消毒鍵即可。