一個人嘅成功，有80%嚟自佢嘅語言表達能力，語言表達能力係會直接影響小朋友將來嘅發展，但係點樣可以提高小朋友嘅語言表達能力呢？
{adv here}
{adv here}
1. 首先家長要鼓勵小朋友多啲講嘢，幫佢哋營造一個輕鬆嘅環境，有時候小朋友唔敢講嘢係因為驚講錯嘢，四五歲嘅小朋友仲未識分啱定錯，佢哋需要觀察大人嘅反應，大人嘅表情會直接影響佢哋嘅語言表達，所以為咗令小朋友可以多啲講嘢，家長要畀多啲讚賞同埋鼓勵嘅反應。
2. 叫小朋友講故事畀大家聽，講故事可以培養小朋友嘅語言組織能力。特別係喺幼稚園，小朋友企喺台上講故事，既可以鍛煉佢哋嘅膽量，又可以訓練佢哋嘅語言表達能力。
3. 帶小朋友參加課外活動，畀佢哋接觸多啲新鮮事物，豐富佢哋嘅生活經驗，小朋友見識多咗，自然會有更多話題同人分享。
{adv here}
4. 多啲畀小朋友睇書，令佢哋可以透過文學作品，感受優美嘅詞句，然後家長可以引導小朋友將書入面嘅詞句應用喺現實生活裏面，咁樣可以豐富佢哋嘅詞庫同埋提高佢哋嘅語言表達能力。
5. 家長可以多啲同小朋友傾偈，例如小朋友喺幼稚園有冇發生一啲有趣嘅事，小朋友可以詳細講吓喺幼稚園嘅所見所聞，小朋友講完家長一定要回應佢，鼓勵小朋友繼續講落去。
6. 當屋企有客人到訪，可以畀小朋友充當小小接待員，招呼客人，陪客人傾計，慢慢培養小朋友嘅膽量，令小朋友習慣喺陌生人面前表達自己。
資料來源： iFuun
