相信大家身邊肯定有幾個又怕事又內向嘅小朋友，唔敢同陌生人講嘢，甚至唔敢自己單獨瞓，面對呢種情況，有啲家長會採取訓斥嘅方法，其實咁做不但幫唔到小朋友，仲會令佢變得更細膽，到底點做先可以令小朋友建立勇氣同自信呢？
{adv here}
從以下3方面出發，令寶寶變得勇敢有自信
1) 讓小朋友做一切能力範圍所及的事
好多小朋友膽小係因為家長過分寵愛，尤其係爺爺嫲嫲嗰代，事無大小都幫小朋友做晒，小朋友被過份保護，性格容易變得膽小懦弱，所以，無論小朋友幾大，都應該放開手，畀小朋友去做能力範圍所及嘅事。
2) 站在小朋友的角度思考
若果小朋友做錯少少事就被訓斥或者批評，佢就好容易變得冇自信，所以家長要多啲站喺小朋友嘅角度思考，唔應該因為自己心情唔好，控制唔到自己情緒而破口大罵。
{adv here}
3) 讓小朋友多參加社交活動
小朋友膽小懦弱，怕陌生人，主要原因係因為少接觸，見到陌生人就變得手足無措。家長可以帶小朋友多啲參加群體活動，見多啲人，久而久之就可以練大個膽。
資料來源：親親寶貝網