有計劃生BB嘅夫婦要特別注意，由而家開始最好戒飲含咖啡因嘅飲品。
有一項美國嘅研究顯示，喺懷孕之前嘅幾星期，如果父母飲用過多含咖啡因嘅飲品，將會大幅增加流產風險，而咖啡因嘅來源除咗咖啡，仲包括茶、朱古力同汽水等含咖啡因嘅飲品。
{adv here}
根據美國國家衛生研究所(National Institutes of Health)嘅研究指出，如果女性喺懷孕前每日飲兩杯以上含咖啡因嘅飲品，流產嘅風險會高出74%；而男性如果啥喺另一半懷孕之前，每日飲超過兩杯以上含咖啡因嘅飲品，另一半流產嘅機率會增加73%。研究結果顯示，不論係父親或者母親嘅飲食習慣，都會對胎兒造成影響。
另外，研究亦發現，懷孕後嘅7個星期內，孕婦每日飲兩杯以上含咖啡因嘅飲品，同樣會有較高嘅流產風險。
{adv here}
呢項研究嘅受試者為501對來自美國密西根州以及德州計劃要懷孕嘅夫妻，研究期間從2005-2009年，受試者每日記錄飲食同日常生活嘅活動，包括抽煙、飲酒以及飲用含咖啡因飲品嘅情況。其中有344對夫妻成功懷孕，但隨後有98對夫妻經歷流產。
研究亦都同時發現，年齡超過35歲嘅婦女，流產機率比年輕婦女高出一倍。
資料來源：中時電子報
