懷孕初期入住新裝修的房屋，會對胎兒有影響嗎?
裝修材料同家俬會釋出化學物質，例如甲醛、苯、鉛、氡氣等，呢啲物質好有可能會對胎兒嘅發育造成影響。受孕後第2周到第3個月係對外來化學物質最敏感嘅時期，因為呢段時間胎兒各個系統正在發育中。如果懷孕未夠3個月嘅孕婦經常接觸呢啲有害物質，有可能導致胎兒畸形。
{adv here}
懷孕3個月後，就不會影響胎兒?
其實過咗頭3個月嘅敏感期都唔代表安全，因為胎兒嘅神經系統、骨骼系統同生殖系統都會繼續發育，喺整個孕期都有可能發生畸形。而且，即使其他系統喺頭3個月已經發育好，結構上唔會再出現問題，但功能都有可能受到影響。而且，呢啲污染不但對胎兒有影響，對孕婦本人都有影響。
孕婦去選家具、建材，會影響胎兒嗎?
偶爾進入家俬舖或建材公司，不至於對胎兒產生不良影響，準媽媽可以放心。
如果準媽媽一早已經計劃好裝修，突然發現自己懷孕，或者懷孕期間遇到辦公室進行裝修，準媽媽應該點應對呢？
1) 如果一定要裝修，孕婦應該避免到現場參與，可以叫家人幫忙打點。
{adv here}
2) 裝修完至少要通風15~30日，等各種污染物散去先入住。最好搵合資格嘅機構進行驗收，確保污染物質水平符合標準。
3) 如果在職準媽媽遇到辦公室裝修，最好可以同上司進行溝通，申請在家功作，遠離裝修環境。
4) 新車都係一樣，由於長時間處於一個完全密閉嘅環境，裡面嘅有害物質好難散出去。所以，準媽媽坐車一定要開天窗。
資料來源：iFuun
