扮靚係女人嘅天性，母乳媽媽當然唔例外，但一諗起要餵寶寶，媽媽們就會卻步，擔心化妝品同美髮產品會對寶寶有害。咁到底餵緊母乳嘅媽媽可唔可以化妝同整頭髮呢？
{adv here}
母乳媽媽可以化妝嗎？
其實化妝品係唔會進入母乳，母乳媽媽基本上可以化妝，但畢竟媽媽同寶寶之間會經常有接密接觸，所以如非必要，都係儘量少化妝。
化妝品入面含有香料、防腐劑、色素等容易致敏嘅成分，而且大部分化妝品亦都含有鉛等化學物質，如果寶寶摸到媽媽面部，化妝品就會殘留喺寶寶手上，一旦寶寶將手手放入口就會將化妝品吞落肚，有可能會引起腸胃不適。
另外，好多時媽媽都會同寶寶「錫錫」，而寶寶嘅皮膚非常幼嫩同敏感，接觸化妝品之後容易發生過敏。
母乳媽媽可以染髮、電髮嗎？
答案係可以，但母乳媽媽要注意，染髮同電髮後，要徹底清洗後先抱寶寶，以免寶寶抓到頭髮或者聞到過強氣味後引起過敏。
{adv here}
母乳媽媽可以搽指甲油嗎？
指甲油偶爾使用問題唔大，因為透過指甲表面或皮膚吸收入身體嘅有害物質係非常有限。但因為搽咗指甲油嘅手指唔可以放入寶寶口腔，長期使用難免會造成不便。舉個例，有時寶寶飲奶嘅時候會咬媽媽，如果媽媽用搽咗指甲油嘅手指放入寶寶口腔來阻止寶寶，就有可能對寶寶造成影響。
出於謹慎考慮，建議媽媽們注意以下幾點：
1) 購買有信譽嘅正規品牌指甲油，切勿貪平。
2) 搽指甲油時，唔好畀寶寶聞到指甲油味，媽媽都要儘量選擇通風較好嘅地方。
3) 唔好用搽咗指甲油嘅手放入寶寶口腔，例如幫寶寶按摩牙齦。
資料來源：iFuun
