由於產婦喺分娩時造成嘅損傷，產後尿失禁嘅現象常有發生，通常喺大笑、咳嗽、打乞嗤、彎腰、拎重嘢時都會出現不由自主嘅尿滲，咁究竟產後尿失禁會唔會自己好返？具體要幾耐先好得返呢？

{adv here}

1) 產後尿失禁能自癒嗎？

產後尿失禁一般會喺產後1星期內出現。除咗少數產婦需要進行尿動力學檢查，大部分產婦都唔需要接受治療，只有大約20%左右嘅產婦需要就醫。

2) 產後尿失禁能治好嗎？

只要及時進行診治，產後尿失禁係可以治癒嘅。如果產婦冇採取任何診治措施，隨著年齡增長，激素水平下降，盆骨底肌肉會越來越鬆弛，症狀會變得更加嚴重。對於輕度女性壓力性尿失禁，可以透過藥物、盆骨底肌肉鍛煉、針灸等方式去治療；而中重度女性壓力性尿失禁，要徹底康復，最理想都係做外科手術。

{adv here}

3) 產後尿失禁多久才能好？

產後尿失禁一般會隨著盆骨底肌肉嘅恢復而慢慢消失。透過盆骨底肌肉鍛煉，大約3個月內就可以恢復。如果在產後3個月後，尿失禁情況依然存在，建議媽媽儘早搵醫生診治，以免影響產後生活和工作。一般而言，越早治療越好，否則，拖得越耐，膀胱肌肉就會越鬆弛，治療過程都會比較困難同複雜。

注意事項

1) 產婦喺身體尚未復原之前，不宜過早做劇烈運動或過度用力。

2) 要盡量避免感冒，因感冒咳嗽會引起腹壓增加而導致尿失禁。

3) 產後要堅持做盆骨底肌肉康復鍛煉，加強會陰部同肛門肌肉嘅收縮放鬆，每日1-2次，每次10分鐘，有效治療產後尿失禁。

資料來源：健康猴