經常有孕婦會問：「有咗BB食薏米，係咪會容易流產？」，中醫師表示，如果孕婦喺懷孕期間連續性咁進食大量薏米，唔排除會有滑胎嘅可能，建議準媽媽食薏米之前，最好先詢問一下中醫師。
{adv here}
{adv here}
孕婦食用恐宮縮
中醫認為薏米屬於性質溫和，有利水滲濕、健脾除痹嘅功效，至於孕婦食薏米係咪會出現習慣性流產，即係中醫所稱嘅「滑胎」，中醫師表示，古代醫書的確將薏米列為孕婦禁忌，《本草求真》提到：「有孕婦女，不宜妄用，以性專下泄也。」文中提到薏米有利水下行嘅功效，懷孕婦女唔可以隨意食用。
現代醫學雖然仲未可以證實薏米會導致流產，但藥理學動物實驗結果發現，薏米的確會令子宮平滑肌興奮，導致子宮出現收縮嘅情況，但孕婦食咗薏米係咪一定會導致滑胎，其實仲有待研究。
{adv here}
食薏米會滑胎？中醫師：機會好低，大量進食要小心
雖然從古到今已經有好多資料顯示，孕婦唔適宜食薏米，咁食薏米導致流產嘅機率又有幾大呢？中醫師指出，食薏米會否導致流產嘅關鍵在於份量。如果準媽媽大量或者連續性咁食用薏米，的確有滑胎嘅可能；但如果食用份量少，造成流產嘅可能性好低，所以如果準媽媽唔小心食咗薏米都唔需要太擔心。
孕媽們要注意，懷孕頭3個月胚胎仲未穩定時，或者懷孕期間經常有宮縮作小產情形嘅孕婦，建議避免食用。如果準媽媽唔清楚自己嘅身體狀況，最好都係請教一下中醫師。
資料來源：華人健康網
