懷孕期間，孕婦嘅體重會一直增加，身體亦都需要重新平衡，因為體重主要會集中喺一個地方，令到佢哋行動不便，再加上懷孕期特別容易攰，就算本來好容易嘅家務喺懷孕期都會變得唔容易應付。雖然大部分家務孕婦都可以做，但係有一定危險性嘅家務最好都係留返畀其他人做。
{adv here}
{adv here}
懷孕初期，最好避免做家務
喺懷孕初期，流產嘅機會率係最大，呢個時候做家務可能會令懷孕媽媽嘅身體增加過度嘅壓力，咁樣可能會對胎兒造成一定嘅風險。研究指出，無聊、重複同埋單調嘅工作會增加荷爾蒙分泌，從而增加孕婦嘅壓力，所以唔適合懷孕初期嘅孕婦。
以下呢5種家務孕婦唔可以做
1. 唔好搬重嘢或者移動傢俬；例如搬運大量嘅衣物呢類家務就要避免。
2. 唔可以做需要攀爬嘅家務。懷孕期間體重嘅增加會改變身體嘅重心，孕婦好容易就會失去平衡。清潔抽氣扇或者更換窗簾等等嘅家務都唔適合。
3. 養寵物嘅孕婦，特別係養貓嘅孕婦，千祈唔好清洗貓砂盤。貓砂可能有一種叫弓形蟲嘅寄生蟲喺入面，呢種寄生蟲可能對媽媽同寶寶有好大嘅害處。
{adv here}
4. 唔好做滅蟲嘅工作。對付曱甴同埋其他屋企嘅害蟲幾乎都要用殺蟲劑，用來殺死呢啲害蟲嘅有毒煙霧都會對懷孕媽媽同埋胎兒構成不良嘅影響。
5. 唔好清潔浴室。浴室對於準媽媽來講係一個危險地方，因為清潔時容易整濕地面，好易滑到，而且抹浴室好多時都需要踎低，腹大便便做起上來都唔方便。
資料來源：PTT新聞
