小朋友瞓覺出汗原因
生理性出汗
喺小朋友生長發育良好、身體健康嘅情況下，瞓覺出汗並唔係疾病引致嘅現象。生理性出汗大多數喺頭部、頸部，通常發生係瞓覺30分鐘之後，大概一個鐘後就會停止。生理性出汗係正常現象，爸媽無須擔心。常見原因有以下四個：
{adv here}
{adv here}
1. 瞓覺前進食高熱量食物：例如朱古力、糖果等等，瞓著之後身體開始散熱，主要途徑就係出汗。
2. 活潑好動：小朋友活潑愛動，產生嘅熱量自然多，唔能夠排出嘅熱量就會積聚喺身體。瞓覺嘅時候，人體產生嘅熱量就會降低，為咗維持喺正常溫度，就會以出汗嘅方式排熱。
3. 保暖過度：好多家長都驚子女感冒，會幫佢哋蓋好多被。但係， 小朋友處於成長階段，新陳代謝好快，再加上著得太多，身體過熱就只可以透過排汗調節體溫。
4. 環境因素：喺室溫較高或者焗促、空氣唔流通嘅情況下，小朋友就容易出汗。
病理性出汗
如果係疾病造成，即使喺平靜狀態都會出汗，而且出好多，比較常見嘅情況係上半晚頭部出汗明顯。以下係可能潛在嘅疾病：
1. 嬰兒佝僂病：由於潛在疾病影響，頭部出汗會比較多，BB瞓得唔舒服，加上頭部同枕頭接觸磨擦，後尾枕有可能出現環狀脫髮現象。當見到呢個現象家長就要注意，呢個係嬰兒佝僂病嘅早期現象，要幫BB補充維他命D同埋鈣。
{adv here}
2. 結核病： BB一整晚都會出汗，而且出現四肢無力、食欲不振、面部發紅、低燒等症狀，有可能係結核病，家長應該及早帶BB就醫。
3. 心臟病、糖尿病等：如果BB長時間出現夜間出汗或者手腳容易出冷汗嘅情況，家長應該帶小朋友盡快睇醫生查出原因。
資料來源：每日頭條
