根據外國一項問卷調查發現，年幼時經常攝取含有豐富油脂嘅魚類，例如三文魚、鯖魚，就可以降低8至16歲之間發生鼻敏感嘅機率。另外，食三文魚同鯖魚可以攝取Omega-3脂肪酸，有助對抗炎症、增強抵抗力。
{adv here}
{adv here}
魚類攝取同鼻敏感嘅關聯性
英國《每日郵報》(Daily Mail) 報導，鼻敏感係由花粉、灰塵、霉菌、動物皮屑等等過敏原所引起。瑞典卡羅琳學院 (Karolinska Institute) 研究員請咗一班爸爸媽媽填問卷，調查小朋友係四歲之後係咪成日有鼻敏感嘅症狀，包括打乞嚏、流鼻水或者接觸花粉或者毛孩之後，眼睛出現唔舒服嘅情況。
同時，問卷入面列出98種常見食物同飲品，請爸爸媽媽回答小朋友攝取呢啲食物嘅頻率。喺魚類攝取方面，分為含有豐富油脂嘅魚類例如鯡魚、三文魚、鯖魚，同埋油脂含量較少嘅魚類例如鱈魚、吞拿魚等等。
食三文魚鯖魚 可以降低鼻敏感機率
調查中，有1590位兒童喺8歲嘅時候都冇出現以上徵狀，其中有21%嘅兒童喺8至16歲期間就患有鼻敏感，有15%嘅兒童就患上非過敏性鼻炎。研究發現，各種魚類攝取同有冇鼻炎係冇關係，而食用魚柳條或者脂肪含量較少嘅魚類都同鼻炎無關。
不過攝取含有油脂豐富嘅魚類就可以降低大概50%鼻敏感嘅機率。同時食用呢啲魚類都可以減低非過敏性鼻炎嘅風險。
{adv here}
攝取Omega-3脂肪酸 有助強化免疫力
研究人員指出，兒童年幼時食魚或者媽媽懷孕期間食魚，都可能會影響小朋友將來患鼻敏感嘅機率。專家認為，適量攝取有豐富脂肪含量嘅魚類可以攝取有益健康嘅Omega-3脂肪酸，達到均衡飲食，幫助預防敏感。
資料來源：華人健康網
