只有內心強大嘅小朋友，先可以為將來激烈競爭中立於不敗之地。
現今嘅小朋友大部分都嬌生慣養，心理承受能力普遍較低，進入社會後適應力會較弱。想培養小朋友嘅心理素質，家長就要對佢哋進行適當嘅挫折教育。
{adv here}
挫折教育常見的3個誤區
1) 期待能夠一夜成功
每個小朋友都有自己獨特嘅成長規律，對佢哋嘅挫折教育亦都需要循序漸進。想令小朋友走出Comfort Zone，家長就要逐步放手畀佢哋做能力範圍所及嘅事。同時，家長應該多啲畀小朋友參加各類活動，鍛煉佢哋嘅體能同意志。
2) 以為挫折越多越好
太多挫折，反而容易令小朋友失去自信，變得敏感脆弱。對孩子嘅挫折教育，家長要注意保持適度。
3) 刻意製造一些「挫折」
挫折教育唔需要刻意進行，要知道生活中有好多挫折都會喺不經意間出現。想對小朋友進行成功嘅挫折教育，家長就要喺日常生活中潛移默化咁進行，給予各式各樣嘅情境體驗。
{adv here}
如何對小朋友進行挫折教育？
1) 幫助他合理疏導情緒
想培養內心強大嘅小朋友，首先佢哋要喺家長身上獲得安全感。當小朋友因挫折或困難而感到挫敗，家長要及時給予鼓勵同支持，永遠充當子女嘅強勁後盾。
當小朋友出現負面情緒，家長需要守喺佢哋身邊，並幫助佢哋排解同宣洩。負面情緒一旦累積太多就會爆發，有可能為身邊嘅人帶來不必要嘅傷害。
2) 幫助他學會解決問題
有啲大人覺得簡單嘅問題，小朋友就需要花啲功夫先解決到。家長應該鼓勵小朋友多啲思考，努力嘗試去尋找解決問題嘅辦法。
辦法總比問題多，凡事都有解決辦法。當小朋友面對挫折嘅次數多咗，佢嘅知識同經驗就會不斷累積，慢慢就可以養成以積極態度去思考同想辦法解決問題。
3) 幫助他養成良好心態
「塞翁失馬，焉知非福」，任何挫折對小朋友嚟講，都係一次成長嘅機會。家長應該引導小朋友從消極嘅狀態，以積極嘅心態看待問題，逐步提升小朋友嘅抗挫折能力。
父母自己都要保持住一顆陽光樂觀嘅心，將呢種正能量傳遞畀小朋友，幫助他養成積極良好嘅心態。只要有正面嘅心態，即使面對困難，都能夠以樂觀積極嘅態度去應對。
資料來源：iFuun
