懷孕期間，因為需要同時補充自己同胎兒嘅營養，體重一定會增加，但準媽媽要注意，如果體重增加得太快太多，會好容易引起妊娠糖尿病、子癇前症等疾病，建議孕媽可以食多啲蔬果，做適量運動來控制體重。
{adv here}
{adv here}
孕期增重快，危險疾病殺埋身
妊娠糖尿病
孕期體重增加太快，患妊娠糖尿病嘅風險就會比一般孕婦高。研究發現，如果喺懷孕24至28週期間，每星期增加0.4至0.9公斤以上，患妊娠糖尿病機率就會係一般孕婦嘅17倍。另外，懷孕前BMI超標嘅女性，懷孕期間患妊娠糖尿病嘅機會都會較高；有病史嘅女性仲好容易增加產後第二型糖尿病嘅機率。
生產風險高
孕婦體重增加快，易導致胎兒過重，如果加上患有妊娠糖尿病，孕婦血糖會更加唔穩定，造成巨嬰，增加難產風險。
子癇前症
子癇前症症狀係高血壓、水腫、尿蛋白等，營養師提到，雖然孕婦患子癇前症唔算普遍，但過重或者體重增加太多都容易增加患病機會。根據統計，孕前BMI＞24孕婦患上子癇前症嘅機會率係一般體重正常人嘅2.4倍。
{adv here}
有效管理：多食蔬果，做適度運動
想有效控制體重，準媽媽要多啲攝取各種天然食物，尤其係含有豐富抗氧化物質、維他命同埋礦物質嘅蔬果，對BB同埋媽媽嘅健康都有幫助。另外，無論係過重或者過輕嘅媽媽都要做適量運動。研究指出，有運動習慣嘅媽媽生產過程時間較短，出血量都比較少，仲可以避免懷孕期間體重過度增加。所以建議準媽媽每日做至少15至40分鐘緩和運動，例如：散步、游水等等。如果有高血壓、要安胎嘅準媽媽就可以同醫生討論有咩適合嘅運動方式。
資料來源：華人健康網
