對於外界嘅疑惑，營養師解釋係由於蜂蜜嘅生產過程中，工蜂採集花蜜之後要經過蜜蜂口水入面嘅酵素分解所製成。喺冇辦法控制蜂蜜來源同唔太清楚採收過程手法嘅情況下，好多人都會對蜂蜜嘅品質有懷疑，甚至覺得懷孕媽媽係唔應該食用蜂蜜，因為佢哋覺得食咗蜂蜜會對胎兒嘅健康造成影響，而常見問題就包括：
{adv here}
{adv here}
問題1：蜂蜜含有雌激素，孕婦食用過量會唔會令到寶寶性早熟？
其實蜂蜜只係蜜蜂產物入面嘅其中一種，除咗蜂蜜外，蜂巢同時都會有花粉、蜂王漿、蜂膠等副產物。當中含有類雌激素就只有蜂王漿，所以呢個謠言應該只係民眾將蜂蜜同蜂王漿混淆而擺出嘅大烏龍。
問題2：蜂蜜含有大量花粉，容易生出一個過敏寶寶？
蜂蜜係由蜜蜂採集花蜜所製成，喺收集嘅過程入面一定會殘留少少花粉。為咗避免孕婦因為食用同接觸花粉而導致增加過敏嘅可能性，建議各位買蜂蜜時最好唔好購買未經純化、提煉同埋可能含有花粉嘅蜂蜜產品就會比較有保障。
問題3：蜂蜜容易藏有肉毒桿菌，懷孕媽媽食用會令胎兒中毒？
呢個問題出現嘅原因應該係外界有醫生提出1歲以下幼童唔建議食用蜂蜜。其實醫學界之所以會有呢個講法，主要係因為嬰幼兒嘅消化系統仲未發育完成，未能有效咁破壞因為蜂蜜冇完全消毒而殘留嘅肉毒桿菌，先會出現肉毒桿菌中毒嘅疑慮。但孕婦本身已經係一個消化功能健全嘅成年人，所以唔需要太過擔心。
{adv here}
孕婦1日1杯蜜糖水唔超標
營養師建議孕期中嘅媽媽如果冇便祕、孕吐、食慾不振、營養攝取唔足夠嘅問題，其實冇特別需要去補充蜂蜜。
如果真係要飲，每日飲嘅蜜糖水分量唔可以超過300ml，蜂蜜嘅使用量都唔可以超過25g，咁樣先唔會加快血糖上升，增加孕期時患上妊娠糖尿病嘅風險。
資料來源：華人健康網