經常聽到有媽媽講，自己嘅小朋友有時脾氣好暴躁，咁你知唔知道小朋友點解會發脾氣？
1. 得唔到父母關心嘅時候，佢哋會透過發脾氣吸引你嘅注意
我哋都知道，小朋友由出世開始，就會用喊嘅方式嚟表達自己嘅需求，佢哋好渴望得到父母嘅愛。如果佢哋得唔到你嘅注意同關心，就會用喊聲嚟吸引你嘅注意。
{adv here}
{adv here}
但當小朋友大個咗，就會知道自己唔可以隨便喊，所以當佢哋無故被人忽視嘅時候，就可能會透過發脾氣嚟引你嘅注意同埋重視。呢個情況下，建議父母暫時放低手上嘅工作，陪小朋友玩一陣，關心下佢。
2. 滿足唔到小朋友嘅時候，佢哋嘅內心會好委屈
有時小朋友發脾氣，可能係因為父母令佢受到委屈。例如你應承咗小朋友做完功課之後帶佢出去玩，但係因為臨時有事而失約。小朋友嘅弱小心靈可能會受到傷害，覺得你冇口齒，冇誠信。於是，佢可能會用掟嘢嘅方式嚟向你示威，表示不滿。
{adv here}
3. 小朋友做錯事，想逃避責任
有啲小朋友面對自己嘅錯失，會出現突然暴躁嘅情況，咁做係因為佢知道自己犯錯，但係又冇勇氣面對你嘅批評，於是透過大吵大鬧嚟轉移自己嘅壞情緒，逃避自己嘅責任。始終小朋友年紀仲細，未有足夠勇氣面對自己嘅錯誤。呢個時候父母應該教導小朋友點樣面對自己嘅錯誤。
所以，面對小朋友「無理」嘅大吵大鬧、脾氣暴躁嘅時候，家長要搞清楚背後嘅原因，唔好怪錯或者無視佢哋。
資料來源：每日頭條
