生咗寶寶之後，好多媽媽都希望以全母乳餵哺寶寶，但喺母乳唔夠嘅情況下，就需要補奶粉，混合餵哺寶寶。
其實，混合餵哺並唔係咁簡單，都有好多需要注意嘅事項。
{adv here}
{adv here}
1. 應該以母乳為主
好多媽媽都知道，寶寶最好嘅食物就係媽媽嘅乳汁，配方奶只係一種代替品，所以應該盡量用母乳餵寶寶。
母乳仲有一個特徵，就係寶寶越吸得多乳汁分泌都會越多，如果寶寶食奶粉食飽咗，就會唔肯用力吸母乳，母乳嘅分泌就會越嚟越少。
2. 要有一定嘅規劃同埋方法
混合餵哺有兩種方法，一種叫做補授法，另一種叫代授法。
補授法：補授法就係每一次餵寶寶都係餵母乳先，母乳唔夠嘅時候，再補奶粉。未夠6個月大嘅初生寶寶就算唔夠母乳食嘅時候，都要維持一定嘅吸吮次數去刺激母乳分泌，補授嘅乳量根據寶寶嘅食慾同埋母乳分泌量而定，即係話「缺幾多就補幾多」。
代授法：母乳同奶粉係完全分開餵，一次係全母乳，一次係全奶粉，交替咁餵。對於用代授法嘅媽媽嚟講，建議要定時吸母乳出嚟，放喺雪櫃冷藏，可以第二日畀寶寶食，咁樣就唔會令母乳嘅分泌減少。
媽媽應該根據自己嘅情況去揀啱自己嘅方法。但係補授法可能會影響寶寶消化，容易形成乳頭錯覺，咁樣容易令寶寶抗拒奶樽同埋奶粉。所以一般嚟講，建議用代授法。
{adv here}
3. 母乳同奶粉唔好溝埋一齊
有啲媽媽以為混合餵哺係可以將吸出來嘅母乳同埋配方奶溝埋一齊餵寶寶，認為咁樣又簡便又可以彌補母乳嘅不足，其實咁樣做係唔適當。首先，寶寶吸吮比人工吸奶更加幫助到媽媽乳汁嘅分泌；另外，如果沖配方奶嘅水溫比較高，會破壞母乳入面含有嘅免疫物質；最後，咁樣做會較難掌握需要補充嘅配方奶量。
資料來源：iFuun
