生完寶寶後，媽媽最擔心嘅事莫過於身材走晒樣，要同懷孕前嘅少女身型永別。中醫師指出，懷孕期間女性賀爾蒙嘅變化，加上血液循環較差，會導致產後身型變得擁腫，其實除咗身體積聚嘅多餘脂肪，大部分都係水。而懷孕期間身體儲存大約2至3公斤嘅脂肪，都係為咗滿足泌乳需要。

{adv here}

產後修身3絕招

1) 埋身餵母乳

餵母乳本身就有消耗熱量嘅效果。營養師指出，母乳媽媽每次分泌100c.c.嘅母乳，平均可以消耗60至70卡路里嘅熱量，所以餵母乳平均每日已經可以消耗500卡路里，而每消耗7700卡路里就可以減磅大約1公斤，亦即係連續餵15日母乳就可以瘦1公斤。

{adv here}

2) 急步行30分鐘

餵母乳需要營養，但媽媽們又要同時瘦身，兩者似乎有衝突。所以，產後修身必須配合埋適量運動，建議每日急步行30至60分鐘，可以加快熱量嘅消耗。

順產媽媽由於傷口恢復得較快，通常坐完月就可以開始做運動。至於剖腹產媽媽，產後必須等2至3個月，確認傷口完全癒合先可以開始做運動。

3) 飲豆漿、紅豆水

中醫師表示，豆漿含豐富纖維、熱量低，加上營養價值高，好適合想維持身材嘅母乳媽媽。另外，好多女性都知道薏米有利水消腫嘅作用，但畢竟薏米屬性比較寒涼，建議改為飲紅豆水比較適合。

煮紅豆水嘅方法就好似平時煮紅豆沙一樣，煮到湯汁濃稠，飲嘅時候記住只飲水，唔食紅豆，每日飲用500至1000c.c.即可。提提大家，患有腎病嘅媽媽唔適宜飲用紅豆水。另外，紅豆水嘅消水腫效果比唔上餵母奶+做運動，只適合用於輔助修身。

資料來源：華人健康網