好多人都知道，塑膠食物盒蓋嘅防漏膠邊好難清洗，最容易積藏污垢、滋生細菌。大家不妨試試以下清潔方法。
1. 徹底清洗盒蓋膠邊/隙縫
– 用萬字夾圓弧處將膠邊推出來，可以輕鬆地將膠邊拆卸。
– 用牙刷沾梳打粉徹底清潔膠邊。
– 用紙巾包住牙籤，再沾抹梳打粉清潔盒蓋凹槽。
{adv here}
{adv here}
注意：
使用牙籤等銳利物品來拆卸膠邊，容易製造膠邊表面損壞，反而令細菌更容易殘留。用萬字夾不但可以輕鬆拆卸，仲可以避免損傷。
2. 防止油污沾染，清洗更容易
用食物盒裝有油嘅食物時，可以喺蓋上蓋子之前先蓋一層保鮮紙，預防食物盒蓋膠邊沾上油污。
{adv here}
3. 消除異味
使用過嘅塑膠食物盒，好多時都會有異味殘留，可以用稀釋約20倍嘅梳打粉水浸泡，或者噴上白醋或檸檬汁，15分鐘後再沖洗，就可以消除殘留嘅食物異味。
資料來源：麥浩斯．愛生活
