現代父母工作忙，好多家長都冇乜時間陪小朋友。事實上，我哋往往會忽視咗一個陪伴子女嘅黃金時間，就係睡前一小時。家長只要好好利用呢個黃金交流時間，陪小朋友做好4件事，可以增進親子感情之餘，仲可以令小朋友變得更優秀！
{adv here}
1) 回顧今天所學的知識
小朋友上完一日課，除咗透過做功課嚟消化知識，仲可以用睡前十分鐘嚟回顧當日學過嘅嘢。有研究顯示，合埋眼喺腦海入面回顧一番，容易放鬆身心同加深記憶，稱為「冥想回憶」。家長可以叫小朋友回顧一下當日學過嘅知識，不單止可以鞏固已經學識嘅內容，仲可以發現小朋友未掌握到嘅內容，並且及時彌補。
2) 為明天做計劃
如果每晚都可以預先制定第二日嘅計劃，你會發現第二日懶散瑣碎嘅時間減少咗。家長可以陪小朋友諗吓第二日需要做啲咩，例如記住仲未熟讀嘅單詞，搞清楚未明白嘅數學題等等。除咗一啲未掌握嘅內容，亦可以規劃吓要學啲咩新技能，或者培養咩興趣等等。將每一日都過得充實，小朋友會更明白規劃嘅好處，心中充滿成就感同滿足感。
{adv here}
3) 陪孩子閱讀
睡前陪小朋友睇書，其實係非常推介嘅親子交流活動，可以維繫親子感情之餘，仲可以令小朋友喺閱讀過程中提升認知水平同文化修養。家長可以帶領小朋友睇一啲童話故事，寓言故事等，透過故事嘅情節嚟激發小朋友對閱讀嘅興趣。
4) 表揚孩子
每一日都係一段經歷，可以同小朋友傾吓當日發生過嘅事，喺溝通過程中，父母要喺小朋友講述嘅內容當中搵出重點，例如默書得到好成績，或者主動舉手答問題。父母可以藉此表揚吓小朋友，幫助佢哋建立自信嘅同時，亦可以激發佢哋變得更加努力，對生活充滿樂觀同熱情。
資料來源：大時代
