其實唔食得朱古力唔係因為太甜，最大嘅問題在於咖啡因。外國嘅研究建議0至3歲嘅嬰幼兒盡量避免攝取咖啡因，4歲前儘量少食朱古力。
{adv here}
根據加拿大嘅研究建議，4至12歲嘅小朋友每日嘅咖啡因攝取上限分別為：4至6歲為45毫克、7至9歲為62毫克、10至12歲為85毫克。
小朋友長期攝取過量咖啡因有可能導致心悸、失眠（興奮）、生長激素分泌異常以及骨質疏鬆等症狀，仲有焦慮等情緒問題；活動力下降、注意力不集中；以及影響腦部發育及智力發展等。
朱古力嘅咖啡因濃度都唔低，對於小朋友會造成好大影響，尤其係唔鍾意飲水嘅小朋友。所以食用朱古力後，記得飲多啲水，儘可能減低對小朋友嘅影響。
{adv here}
以下幾種小朋友要盡量少食朱古力：
1) 經常流口水：甜食會令佢哋嘅肌肉張力更低，流口水情況會更加嚴重。
2) 口齒不清，發音有問題，黐脷根：甜食會影響舌頭用力以及擺位協調。
3) 注意力差，經常精神恍惚：攝入大量朱古力後，會令大腦神經系統迅速進入鬆弛狀態，成人注意力會變得鬆散，小朋友就更加無法集中專注力。
4) 活動量過大：食用過量朱古力可能會引發躁動及情緒不穩。
5) 睡眠規律差：咖啡因會刺激中樞神經系統，寶寶晚上會瞓得更差，半夜會驚醒。
6) 體能差及肥胖：研究發現，過多糖份嘅零食，有可能導致兒童血壓舒張壓以及三酸甘油酯升高，對小朋友造成終身嘅影響。
資料來源：早安健康
