對媽媽嚟講，辛苦懷胎9個幾月，等到寶寶出世嗰一刻，都會不禁流出開心嘅眼淚。不過，呢份喜悅有可能因為壓力大、退奶、兩代教養觀念嘅分歧、獨力照顧寶寶太累等情況而漸漸變調，導致產後抑鬱症。醫生提醒，如果婦女產後出現明顯嘅負面情緒，而情況持續2星期以上，就應該盡快尋求協助，接受適當治療，控制抑鬱症狀發展。

{adv here}

造成產後憂鬱嘅原因，可能同產後荷爾蒙嘅巨大變化有關。產後抑鬱症患者喺生產後幾星期甚至幾個月，會出現好難過、想哭、疑慮、內疚、恐懼等情緒。產婦嘅情緒會非常緊張、感到疲憊、擔心無法照顧寶寶同自己。嚴重嘅產後抑鬱症患者甚至會出現絕望、離家出走、傷害寶寶或者自殺嘅傾向同行為。

【預防產後抑鬱4要訣 不當完美媽媽】

準媽媽同新手媽媽要注意以下4點，遠離產後抑鬱症。

1) 如果懷孕期已經出現抑鬱情況，產後需要密切配合醫生嘅治療。

2) 產後保持充足睡眠尤其重要，可以搵親友幫忙照顧寶寶，爭取時間補眠。

{adv here}

3) 產後要儘量平衡情緒，舒緩壓力。適量運動會令媽媽們心情更愉快，同時亦可以有多啲機會同外界接觸。另外，同親友傾訴，可以令負面情緒搵到一個出口。

4) 成為媽媽後，要處理嘅事情又多又煩雜，媽媽們要嘗試去接受不完美嘅情況，成為一個快樂媽媽，而唔係一個完美媽媽。

資料來源：華人健康網