天氣一凍，唔單止會食慾大增而且特別想食口味重嘅嘢。冬天最好避免進食乾燥熱氣嘅食物，可以多食高蛋白嘅食物，同埋黃綠色蔬菜。
{adv here}
{adv here}
冬天適合懷孕媽媽食嘅蔬菜
1) 蘿蔔
蘿蔔入面含有鈣、磷、鐵、糖化酵素、維他命A、B1、B2、葉酸等，可以補充懷孕期媽媽所需要嘅營養。
2) 西芹
西芹可以幫助懷孕期有高血壓嘅準媽媽降低血壓，另外，對於高血壓引起嘅頭暈眼花、肩膊酸痛、頭痛等症狀好有效，而且對降低血清膽固醇都有一定嘅幫助。
3) 菠菜
菠菜入面含有大量嘅維他命B，可以防止懷孕媽媽盆腔感染、精神抑鬱、失眠等常見嘅孕期併發症。
4) 唐蒿
唐蒿係一種營養成分全面嘅蔬菜，含有豐富嘅維他命、多種氨基酸、脂肪、蛋白質同埋含有較高嘅鈉、鉀等礦物質。
{adv here}
冬天適合懷孕媽媽食嘅生果
1) 蘋果
蘋果有調節腸胃功能嘅作用，如果連皮一齊食，可以改善便秘或者肚痾嘅問題。食蘋果可以改善懷孕期貧血嘅情況，兼有美容效果，另外，蘋果仲可以舒緩懷孕初期胃口差、作嘔作悶嘅情況。
2) 梨
喺冬天食燉梨，可以增加口水分泌，防止口唇乾燥，唔單止可以保護喉嚨，仲係肺炎、支氣管炎同埋肝炎嘅食療。
詳細做法 : 將生梨去核之後加入冰糖10克、川貝5克、適量嘅水，用細火燉熟，飲湯食梨，可以預防同治療感冒、痰多咳嗽等等嘅疾病。
3) 柑
柑性質溫和味帶甘甜，補陽益氣，但係食得太多又好容易會燥熱上火，甚至會引起口腔炎、牙周炎、咽喉炎等。所以懷孕媽媽每日唔好食超過3個柑。
資料來源：iFuun
