1. 搖住寶寶瞓覺，寶寶易入睡
相信好多父母都會抱住寶寶一路搖一路氹佢瞓。其實寶寶喺一歲之前係腦部發育嘅高峰期，腦部組織嘅發育比顱骨慢，所以顱內空腔會較大。如果爸爸媽媽大幅度咁搖晃寶寶嘅話，有可能會導致腦出血或者神經受損等等，所以要注意搖晃嘅幅度。
{adv here}
{adv here}
2. 寶寶發燒焗一身汗就會好
呢種講法係唔科學嘅，仲會對身體做成傷害。寶寶體內嘅新陳代謝比大人旺盛，如果幫寶寶焗一身汗嘅話會搞到身體體溫過高。嚴重嘅時候會出現抽筋同昏迷嘅症狀。寶寶發燒時切勿過度保暖同埋應該及時就醫。
3. 寶寶要著多啲衫先唔會病
好多家長都會憑感覺嚟判斷小朋友應該著幾多衫，但咁樣係唔可靠嘅。應該按照返小朋友體溫嚟幫佢哋著適當嘅衣服數量。寶寶嘅體溫調節中樞仲未發育完成，體溫會比大人高，所以寶寶唔需要比大人著得多衫。
{adv here}
4. 母乳媽媽感冒時唔可以餵奶同食藥
一般感冒主要通過呼吸道傳染，感冒期間餵母乳時只要戴上口罩，避免錫寶寶，避免呼吸道嘅飛沫直接傳播到寶寶身體就可以。大部分藥物，例如一般傷風感冒藥、頭痛藥，只有少量會存在喺母乳入面，唔會對寶寶造成不良影響。不過服用非醫生處方嘅藥物就要先諮詢醫生意見。
資料來源：壹讀
