好多媽媽認為，只要用煲過嘅暖水沖奶就安全，奶粉可以完全溶解就得，但事實又係咪咁簡單呢？原來煲水方法同埋沖奶水溫都有好大學問。
{adv here}
水要煲到「全滾」
世衛建議沖奶嘅水必須煮至「rolling boil」，意思係煲到有氣泡，亦即係全滾(沸騰)。米施洛營養護康中心註冊營養師陳穎心(Harriet)亦表示，用來沖奶畀bb飲嘅水必須先煲滾。雖然香港食水經過多重沉澱及過濾，但食水從濾水廠輸出後仲會經過儲水池同埋水管，好難保證渠道是否100%清潔，食水有機會喺途中被污染，難免有雜質。Harriet指出，自來水必須加熱到沸點(100度)先至安全，因此一般飲水機都未能達到呢個要求，建議使用電水煲或傳統水煲煲水。
米施洛營養護康中心註冊營養師陳穎心。
咁過濾後嘅自來水又係咪100%清澈無雜質呢？雖然過濾後嘅水一定比水喉水潔淨少雜質，但為咗bb嘅健康著想，沖奶嘅水最好都係煲滾先用。
{adv here}
{adv here}
70度水溫最適合
除咗要將水煲到全滾，世衛仲建議沖奶水溫唔可以低過70度，因為嬰兒奶粉並唔係無菌，有可能受到沙門氏菌、阪崎腸桿菌等污染。沙門氏菌會引起bb腹瀉、發燒等症狀，而阪崎腸桿菌嘅感染雖然罕見，但bb一旦受感染，死亡率高達 20~50 %。咁點解一定要用70度嘅水而唔係90度呢？因為水溫過熱容易破壞奶粉嘅營養，所以建議大家用70度水沖奶，然後放喺水喉下沖水降溫先畀bb飲。
{adv here}
用咩煲水最適合？
雖然傳統水煲同電水煲可以將水煲到全滾，但要將水降溫到70度就好唔方便。以下幾款水機/水瓶都可以提供到70度熱水幫bb沖奶，唔使再熱水溝凍水咁麻煩。
1. 電熱水瓶
市面上越嚟越多有多段溫度選擇嘅電熱水瓶，容量一般有3~4L，容量大，體積也大。雖然好多家庭本身已經有一個，但如果長期設定70度沖奶，大人想沖茶或咖啡時就需要重設溫度將水加熱，又或者另外用水煲煲水，頗為不便。如果買多一個畀bb專用就要考慮是否有足夠空間存放2個電熱水瓶。
2. 恆溫水機
最近喺百貨公司見到一部恆溫水機，煲水方法同一般電熱水瓶差不多，但加熱到100度後仲會繼續煲多30秒，保證「全滾」，煲滾後即轉恆溫，唔會將水翻煲(千滾水會產生亞硝酸鹽)，細細部非常慳位，容量只有1.1L，但其實也足夠應付大部分bb一日嘅奶量。
3. 即熱式水機
大部分即熱式水機嘅設計係過濾後極速加熱，每次只加熱一杯，可避免千滾水問題，3~5秒就可以完成整個過濾、加熱過程並開始出水。由於係邊加熱邊出水嘅設計，所以出水速度一般比較慢。容量一般有2~4L，所以機身較大，需要考慮存放空間問題。要注意嘅係，呢類水機係透過過濾器來除菌同潔淨，唔會將水煲滾(除非選擇100度)，只會加熱到設定溫度就出水，是否適合沖奶就要自行判斷。
