根據統計，有2~3%嘅女性喺懷孕期會發生妊娠糖尿病，大多數患者嘅高血糖情況都會喺產後自動消失。調查發現，妊娠糖尿病更容易發生喺肥胖同埋高齡產婦身上。
{adv here}
{adv here}
好多準媽媽喺懷孕前身體一切正常，但懷孕後就發現自己患上妊娠糖尿病，感到非常驚訝。今次就同大家睇吓妊娠糖尿病嘅典型症狀。
1. 容易覺得肚餓
呢個症狀好容易被準媽媽們忽視，因為懷孕期嘅食量會比懷孕前大。但係如果經常覺得餓，例如啱啱食完飯冇耐就肚餓，呢種情況就需要注意。
2. 經常覺得口渴
當孕婦經常覺得口渴，而且冇特別原因，咁孕婦就要開始仔細觀察自己係咪仲有其他妊娠糖尿病症狀。
3. 皮膚痕癢
呢個症狀都係經常被忽視，準媽媽只以為自己係被蚊叮蟲咬又或者係因為季節原因所以皮膚乾燥引起。
4. 疲累
當然覺得攰唔一定係糖尿病所引起，不過，對於原因不明嘅疲累，就要注意係咪都有出現其他妊娠糖尿病症狀。
5. 尿頻
因為口渴，所以孕婦會不自覺地飲大量嘅水，所以去廁所嘅次數自然增加。
{adv here}
6. 頭暈
妊娠糖尿病患者好容易出現血糖低嘅情況，有啲孕婦會因為血糖低而覺得頭暈，甚至暈低。如果出現呢個症狀，孕婦一定要去醫院測量血糖。
以上就係妊娠糖尿病嘅典型症狀，為咗自己同埋胎兒嘅健康，準媽媽需要時刻留意住自己嘅身體狀況，唔可以掉以輕心。一旦發現自己身體狀況有異樣就要及時就醫，唔可以拖。
資料來源：每日頭條
