隨住時代嘅變遷，現代人嘅飲食需求變得容易滿足，反而會造成營養過剩或偏食嚴重嘅情況，因此，現行嘅孕期飲食觀念唔主張孕媽大補特補，要注意飲食均衡嘅同時，仲要食得更精準，不單止可以滿足胎兒嘅營養需求，亦都可以令孕媽好好控制孕期體重。
{adv here}
6飲食要訣長胎不長肉
1. 肉類只食原型：要選擇睇得到紋理或者食到肉原本口感嘅肉類，避開免治肉、重組肉或包餡食物，一來比較易掌握新鮮度同安全性，二來可以避免攝入高油、高糖同高鹽嘅添加原料。
2. 少食芡汁、醬汁：醬汁大多數含有高油、高糖同高鹽分。
3. 菜/肉/飯順次序進食：按照菜 > 肉 > 飯嘅次序進食，有助令血糖平穩上升，可以延遲餐與餐之間提前出現嘅飢餓感。
{adv here}
4. 烹調食物前先確定分量：預先準備剛好嘅分量，以免不自覺進食過量。
5. 鹽分適量：減少食用醬油等鹽分高嘅調味料，可以善用植物性香料取代調味料，避免攝入過多熱量同鹽分。
6. 避免油炸/加工食品：油炸類食物雖然美味，但脂肪含量高，營養成分會因為高溫烹調而喪失，而且好難判斷到油炸食物嘅新鮮度，因此建議孕媽避免食用。此外，加工食品同埋經過長時間燉煮嘅食物（例如滷水蛋），因為唔清楚來源同添加物，都建議儘量少食。
{adv here}
適量運動
除咗遵守以上6個飲食要訣，做運動都可以幫助消耗熱量，建議孕媽每星期可進行3～4次運動，晚飯後可以邀請老公一齊散步30分鐘，不但有助控制體重、促進順產，仲可以增進夫妻感情。
資料來源：華人健康網
