懷孕期間由於胎兒一日一日咁長大，子宮都會隨之變大，直腸肛門部位受到子宮嘅壓迫而導致血液循環不良，促進孕婦痔瘡發生。以下6種水果可以幫助孕婦舒緩痔瘡症狀。
{adv here}
1) 香蕉
大家都知香蕉係通便嘅水果，味甘性寒，適合因痔瘡而變得更加燥熱嘅孕婦。香蕉清熱潤腸，可以促進腸胃蠕動，適合痔瘡出血、因燥熱而胎動不安嘅孕婦食用。
注意：脾虛泄瀉的孕婦不宜食用。
2) 林柿
林柿都係味甘性寒嘅水果，所以都適合患有痔瘡嘅孕婦食用。林柿含有豐富嘅食物纖維，具有通便潤腸嘅作用，有效緩解大便乾結、痔瘡疼痛或出血等症狀。
注意：胃功能差、外感風寒咳嗽、體弱多病的孕婦不適合食用。
3) 梨
梨有清熱去燥、消炎鎮痛嘅作用，可以有效緩解痔瘡疼痛，改善痔瘡出血問題。梨除咗可以幫助孕婦治療痔瘡外，仲有利尿、降壓、止咳化痰功效，有效預防肺部疾病，係孕婦不能缺少嘅水果之一。
注意：脾胃虛寒的孕婦不宜食用。
4) 無花果
無論係新鮮嘅無花果定無花果乾都非常有營養。無花果含有多種人體所需嘅微量元素、維他命、氨基酸等營養成分，有健胃清腸、消腫解毒嘅作用。對於患有痔瘡便秘、出血、疼痛嚴重嘅孕婦嚟講，簡直係「救命良藥」。
注意：腹瀉的孕婦不能食用。
{adv here}
5) 蘋果
蘋果性味溫和，營養豐富，幾乎所有人都適合食用。而且蘋果嘅多酚類及黃酮類天然化學抗氧化物質同大量粗纖維，可以有效預防便秘，係患有痔瘡嘅孕婦必食嘅水果。
6) 士多啤梨
士多啤梨性味甘、涼，含有大量果膠及纖維素，可以促進腸胃蠕動，幫助消化、改善便秘，有效預防痔瘡、腸癌。所以患有痔瘡嘅孕婦進食士多啤梨，可以有效緩解痔瘡帶來嘅不適。
注意：孕婦應飯後食用士多啤梨，風熱咳嗽、咽喉腫痛的孕婦不宜食用。
資料來源： 壹讀
