夏天同暑假，總會令人聯想到沙灘同大海。帶小朋友去沙灘同陽光玩遊戲，的確係一個暑假親子好去處。不過，去沙灘或海邊玩，同時要面對各種危險，包括水母、急流或者曬傷等。希望以下幾個安全小貼士，可以幫到大家減少樂極生悲嘅風險。
{adv here}
1) 穿著救生衣
專家指出，就算喺淺水，一個大浪衝埋嚟都有可以令小朋友企唔穩。海邊狀況往往難以預料，所以專家建議，就算小朋友喺沙灘上都要著住救生衣。
2) 面向海
小朋友面向海會比較安全，因為如果小朋友見到有浪衝緊埋嚟，喺有準備嘅情況下會有較大機會保持站立，唔會咁易畀浪推跌。
3) 不要把腳埋在沙堆中
將對腳埋入水底嘅沙泥，感覺真係好有趣，不過有關海灘受傷嘅研究顯示，呢個做法有機會造成扭傷，甚至更嚴重嘅後果。如果有大浪卷埋嚟而走避不及，力量足以將成個人拉入水中。
4) 小心水母
近年市面上有各式各樣嘅防曬衣出售，既可防紫外光，又可以預防水母襲擊。本港沙灘發現大量水母時，救生員都會掛起紅旗提醒市民唔好落水。如果不幸被水母螫傷，應該立即向救生員求助。
{adv here}
5) 注意湧浪和急流
根據美國嘅一項統計，超過8成嘅救生員拯救，都同湧及急流有關。如果唔清楚海浪情況，應該詢問救生員，先畀小朋友落水玩。
6) 別忘記陽光
小朋友嘅身體對溫度嘅調節比大人差，比較容易出現同高溫有關嘅問題。6個月以下嘅嬰兒唔可以直接或間接照射陽光，要注意上午10點至下午2點呢段時間，因為中暑風險比較高。要注意唔好喺陽光猛烈嘅日子帶小朋友去海灘玩，要準備遮陰用具同埋補充足夠水份。
防曬對於嬰幼兒嚟講都非常重要，應該外出前15至30分鐘就塗上一層，每2小時或玩水後要補塗一次。
資料來源：大紀元
