兩日前，一名52歲外婆疑照顧患有ADHD（專注力不足過度活躍症）嘅6歲外孫仔導致壓力爆煲，結果親手將佢勒死。
全球兒童嘅ADHD發病率為3%至7%，目前ADHD嘅成因未有定論，但有研究指出，孩子患上ADHD嘅機率，同孕婦喺懷孕期間嘅飲食習慣同生活環境有關。孕婦可以參考以下建議：
{adv here}
注意飲食，預防妊娠糖尿病
每7個孕婦中就有一個出現妊娠糖尿病，高齡同過重嘅孕婦較高危。歐洲糖尿病研究協會（EASD）發佈嘅一項研究顯示，服用妊娠期降糖藥物超過2個月嘅婦女所生嘅孩子患ADHD風險增加23%。想遠離妊娠糖尿病，孕婦切忌早上喺同一時段攝取過多澱粉質，應該將澱粉質分量打散，可以避免血糖過高。另外，可以選擇低升糖指數（GI）嘅澱粉質，例如的紅米、糙米、燕麥等，對穩定血糖有幫助。
應多食魚，但要識揀
有研究指出，孕婦每星期進食最少兩份魚類, 會令小朋友出現ADHD風險降低60%，但要避免含有水銀嘅魚類, 例如吞拿魚、劍魚等「大型魚類」，水銀含量都非常高。
遠離空氣污染
一項研究顯示，孕婦喺懷孕期間接觸高劑量嘅「多環芳香烴」（一種主要由交通工具產生嘅污染物），小朋友出現ADHD特徵嘅風險增加三倍以上。
資料來源：健康達人網，AM730
{adv here}
