隨著寶寶嘅成長，食緊嘅奶粉未必滿足到寶寶嘅需求，當寶寶身體出現以下信號，就證明係時候幫寶寶轉奶粉喇！

1) 便秘
如果寶寶經常2-3天以上先排一次便便，而且排便時顯得十分困難，大便呈粒狀並帶有血絲，即係你揀嘅奶粉唔適合寶寶，要轉奶粉喇。

{adv here}

2) 脹氣
如果寶寶出現消化不良、腹脹、放屁，肚谷谷，咁即係寶寶脹氣，亦即係奶粉唔適合，要轉喇。

小貼士：選擇奶粉時要特別注意，應該選擇低乳糖、不含豆質或低敏配方，可以有助減少寶寶脹痛情況。

3) 腹瀉
如果寶寶食奶粉後，出現非感染性嘅腹瀉、持續超過兩星期，而且無論食咩藥，寶寶大便依然呈稀狀，就證明呢隻奶粉唔適合寶寶，需要轉奶粉。

4) 嘔奶和奶瓣
當寶寶出現經常嘔奶嘅情況，而大便中發現白色粒狀或蛋花狀嘅物體，就應該考慮該牌子奶粉是否適合寶寶。

當寶寶身體出現以上症狀，需要更換奶粉品牌或者同品牌但唔同類型嘅奶粉，轉奶粉期間都一定要經歷一個過渡期。一般情況下，寶寶轉奶粉大概需要2星期時間。由於寶寶嘅體質有所不同，轉奶粉嘅步驟都因人而異，以下兩種轉奶粉方法媽媽們可以參考一下。

{adv here}

正確的轉奶粉方法

1) 混合轉奶法
假設寶寶一餐飲150ML奶，一次5殼奶粉。開始頭三日每餐4殼舊奶粉，1殼新奶粉。第4日開始，每餐3殼舊奶粉+2殼新奶粉，餵三天。第七日開始新奶粉增加至3殼，如此類推，直至完全過渡至新奶粉。

2) 隔頓轉奶法
隔頓轉奶法相對簡單，頭三日每日一餐新奶粉，第4－6日，增加至每日兩餐新奶粉，第7－9日增加至每日三餐新奶粉，如此類推，直至完全轉換成新奶粉。

資料來源：開心網