幫寶寶沖涼係一個好好嘅親子活動，不過都有好多潛在危險，例如被燙傷、溺水、窒息等。為咗寶寶安全著想，爸媽們必須注意以下8點。
1) 第一點亦都係最重要嘅一點：絕對唔可以離開寶寶半步，一分鐘都唔可以。不足一寸深嘅水已經可以將寶寶浸死。所以，幫寶寶沖涼前需要提前準備好所有用品，並且喺水裡面保持至少一隻手放喺寶寶身上。
{adv here}
2) 確保浴室溫暖舒適（攝氏28度左右）。
3) 當水還在流時，切勿將寶寶放落水，因為水溫可能會變，或者水會變得太深。
4) 沐浴水溫應該舒適溫暖（如果屋企冇水溫計，可以用手腕或肘部內部測試），水溫大約攝氏38至40度就最適合寶寶。未確定水溫前，千祈唔好貿貿然將寶寶放落水，以免燙傷。
5) 嬰兒浴盆嘅水深大約2至4英寸最為合適。
6) 幫寶寶沖涼之前，應該檢查自己指甲嘅長度，並除下戒指、手錶、手鏈等飾物，以免刮傷寶寶。
{adv here}
7) 切勿讓較大嘅寶寶掂到水龍頭把手，應該確保寶寶全程背向水龍頭。
8) 保持電器（例如風筒、直髮器、暖爐）遠離浴缸。
資料來源：每日頭條
