眼睛係靈魂之窗，但係小朋友嘅眼睛從小就開始被電子產品「毒害」，令好多小朋友入幼稚園之前就已經進入咗近視潛伏期。

眼睛係人體最重要嘅部位之一，小朋友嘅視力發展非常重要，而充足嘅營養就係健康視力發展嘅基礎。今次就為大家盤點7種護眼食物。

{adv here}

對眼睛最有益的7種食物

1) 紅蘿蔔
紅蘿蔔含有大量胡蘿蔔素，喺人體入面可以轉化為維他命A，係被公認為最護眼嘅食物，具有維持正常生長及生殖機能嘅作用，提高視網膜視紫紅質嘅吸收，可以維持正常視力，防止眼睛乾澀、疲勞。維他命A不足會導致夜盲症，對黑暗環境嘅適應能力會減弱。

2) 杞子
杞子含有豐富嘅胡蘿蔔素、葉黃素、多種微量元素同維他命等。葉黃素係一種抗氧化劑，有助保護嬰幼兒眼角膜免受藍光影響，仲可以消滅光線引起嘅視網膜炎。杞子最常見嘅食用方法就係沖水飲，由於杞子嘅維他命大部分都係水溶性，遇熱容易被破壞，所以用暖水微泡即可。

3) 菠菜
菠菜含有豐富嘅鉀、鈣同鎂，能夠幫助眼部嘅肌肉增強彈性，有預防近視嘅作用，同時，佢亦都含有葉黃素，可以預防眼睛衰老。此外，菠菜係維他命B2同胡蘿蔔素嘅重要來源，充足嘅維他命B2可以預防眼睛出現紅筋嘅情況。

4) 豬膶
鋅、銅、鐵、鎂、硒等微量元素都同眼睛組織有密切關係。鋅可以維持色素膜正常運作，而缺鋅會引起色素膜下降，導致夜盲，仲有可能引起視神經疾患以及視神經萎縮。豬膶亦都含有豐富嘅維他命A，含量遠遠超過奶、蛋、肉、魚等食物。

{adv here}

5) 藍莓
眾所周知，藍莓係抗氧化神物，佢可以減慢人體衰老速度，特別適合愛美嘅女性食用。同時，藍莓亦都含有非常高嘅花青苷色素，對眼睛具有非常好嘅保養作用，可以舒緩眼睛疲勞、改善視力，加速視網膜、視紫質合成同再生，對於預防近視有一定功效。

6) 奇異果
奇異果含有豐富維他命C，有助避免視網膜遭受紫外線傷害，防止眼部水晶體老化，增強眼睛嘅血管韌性，同時可以修護細胞，幫助增進眼球健康，對促進嬰幼兒視覺發展起到十分重要嘅作用。

7) 西蘭花
西蘭花不但可以改善視力，仲可以預防白內障，佢所含有嘅黃體素同玉米黃質（類胡蘿蔔素裡面嘅一種植物營養素抗氧化劑），對眼部晶狀體有好多好處，類胡蘿蔔素有舒緩視覺疲勞嘅作用。

資料來源：每日頭條