懷孕後期，新手媽媽要著手準備迎接寶寶嘅用品，剩係奶樽種類已經花多眼亂，有大家都認識嘅塑膠同玻璃，仲有新興嘅矽膠同不鏽鋼，到底邊種物料最好呢？入手之前，先睇睇以下分析。
{adv here}
奶樽物料分為玻璃、矽膠、不鏽鋼、PES、PPSU、PP、PC，其中，塑膠物料因為有雙酚A問題，導致家長對塑膠奶樽失去信心，喺討論物料之前，我們先了解一下咩係雙酚A。
雙酚A（BPA、酚甲烷）係一種常見嘅毒性化學物質，會對人體荷爾蒙及內分泌產生干擾，有可能引發癌症、肥胖、性早熟、過動症等問題。
以下係各種奶樽嘅優點同缺點：
1) 玻璃
耐熱度高、穩定、不變形、不易刮花，算係價廉物美，大部分家長對玻璃材質嘅奶樽最有信心，但玻璃嘅缺點係較重同易打爛。
2) 矽膠
耐熱250度，無色、無味、無毒，不含雙酚A，因為材質較軟，唔容易爛，缺點係價格最高，未普及，奶樽唔可以配合其他品牌嘅奶嘴使用。好處係目前有做矽膠奶樽嘅廠商，大部分都有生產埋鴨嘴頭、吸管頭，換個頭就可以變身為學習水杯。
3) 不鏽鋼
不但耐用，仲安全無毒，但因為不透明，所以好難評估水量同奶粉溶解程度。
{adv here}
4) PES奶瓶（聚醚碸）
耐熱180度，顏色呈淡琥珀色，輕身，不含雙酚A等化學毒素，但容易出現刮痕，刮痕裡面嘅奶垢會較難清除。
5) PPSU奶瓶（聚苯碸）
耐熱207度，外觀輕巧、一般呈茶色，屬於醫療級塑膠，冇PES咁易刮花，但價格就相對高昂。
6) PP奶瓶（聚丙烯）
耐熱120度，雖然唔會產生雙酚A，但遇到高溫就容易變形。特性係不太透光、呈起霧嘅狀態，好多廠商會用PP來造儲奶瓶。
7) PC奶瓶
耐熱120度，雖然價格最平，但問題多多，奶樽經高溫消毒會產生雙酚A，容易導致寶寶性早熟或者過動，所以市面上已經近乎絕迹。
資料來源：ETtoday
