如果小朋友攝取過多蛋白質，肥胖同埋提早發育會經常同時發生。
根據歐美國家嘅統計資料顯示，近呢大半個世紀以嚟，青春期發育年齡大約每10年提前3至4個月。
{adv here}
{adv here}
肥胖嘅小朋友，體內嘅脂肪含量相對會較高，脂肪細胞入面含有一種叫芳香化酶嘅物質，呢種物質可以將雄性激素轉化為雌性激素，同埋會引起性腺發育紊亂。男性同女性體內都有雄激素，所以肥胖嘅男女都會容易性早熟。
肥胖嘅小朋友容易骨齡提前
肥胖對小朋友嘅身高影響好大，發育提早一年，通常都會損失5至7厘米左右身高，成年之後唔會達到先天遺傳嘅身高。
有好多肥胖嘅小朋友，短期內係會比同齡小朋友生得高，但事實上，佢哋嘅骨齡已經提前咗。骨齡提前嘅小朋友，生得比較高只係一種假象，實際情況只係小朋友提早長高，反而會令生長潛能降低，甚至會提前進入青春期，身高可能會好早封頂。
{adv here}
缺乏維他命D
肥胖嘅小朋友身體入面有過多嘅脂肪，會消耗維他命D。有好多實驗同埋研究結果證實，肥胖嘅小朋友缺乏維他命D嘅比例遠遠高於唔肥胖嘅小朋友。缺乏維他命D會影響鈣質吸收，阻礙小朋友長高。
骨關節負重過度
肥胖嘅小朋友因為身體較重，佢哋嘅膝關節會負重過度。膝關節係股骨同埋脛腓骨骨骺嘅所在位置，亦都係身高生長嘅重要部位，膝關節過度負重對於小朋友嘅身高非常不利。
小朋友肥胖雖然有好多害處，但係要注意，千祈唔好單純用節食嘅方法嚟減肥。過分控制飲食熱量會導致飢餓，不單止會引起脂肪減少，而且仲會消耗好多機體蛋白質同埋缺乏營養，咁樣會令到發育緊嘅小朋友減慢成長進度，記憶力減退同埋集中唔到注意力，令到學業成績下降，嚴重影響正常學習同埋生活，甚至會出現血壓低、心律不正等情況，長期飢餓會有一定嘅危險性。
所以，肥胖小朋友嘅飲食控制要適當，應該根據唔同嘅年齡、身高、體重同埋運動量嚟計算每日要攝取嘅熱量。
資料來源：每日頭條
