作為父母，希望自己嘅小朋友將來變得優秀係人之常情。但係培養佢哋智力發展同時，唔好忘記小朋友嘅心理發展。小朋友終有一日要長大，由校園到步入社會，呢個期間相信每一個父母都唔希望自己嘅小朋友受到欺負。如果長時間被人欺凌，小朋友嘅內心會受到好大嘅創傷，甚至會影響佢哋嘅性格形成。
{adv here}
{adv here}
咁家長可以點樣培養一個唔受人欺負嘅小朋友呢？家長要明白以下幾點。
1. 小朋友喺外面畀人欺負，係因為佢哋喺屋企唔受尊重
小朋友無論係返幼兒園定係返小學，喺屋企嘅時間都係最多，呢個其實意味住小朋友嘅一言一行都深受父母嘅影響。如果小朋友喺屋企成日畀家長呼呼喝喝，對父母要言聽計從，見到父母嘅心情唔好，無論自己有冇錯都會主動認錯。咁樣嘅小朋友睇落好似好乖巧，但佢哋其實可能係習慣性低頭，佢哋太在意其他人嘅睇法，就失去咗自我意識。
咁「乖巧」嘅小朋友喺學校一旦受到同學欺負，就會唔敢表達自己。原因係佢哋已經習慣咗順從。身為父母，首先要尊重小朋友嘅內心世界，咁先可以維護到小朋友嘅自尊心同自信心，令佢哋唔再膽小怕事。
{adv here}
2. 教小朋友自我保護意識，受到侵犯應該要反擊
有啲家長知道小朋友喺外面同其他小朋友打架，佢哋唔會分青紅皂白就直接責罵自己嘅小朋友，咁樣會錯過咗教導小朋友嘅好機會。如果小朋友本身冇做錯，但都被爸媽批評的話，佢哋就會覺得自己做乜嘢都係錯，於是自信心就會大打折扣，亦都會慢慢失去咗物權意識。
家長應該教導小朋友乜嘢係物權意識，教識小朋友自我保護。雖然暴力唔可以解決問題，但係當自己受到侵犯嘅時候，就要向對方展現出堅定嘅態度，咁樣先可以避免自己再次受到侵犯。
其實校園係社會嘅縮影，家長從小培養小朋友避免受到欺凌，將來就算面對險惡嘅世界，都唔會咁容易受到傷害。
資料來源：尋夢新聞
