妊娠高血壓係指懷孕媽媽本來冇高血壓嘅病史，但喺懷孕20周或之後，檢查發現有高血壓嘅症狀，先會定義為妊娠高血壓。如果懷孕媽咪本身就有相關嘅病史，喺懷孕期間出現嘅高血壓症狀，就唔算係妊娠高血壓。如果懷孕20周前有高血壓症狀，咁有可能係媽咪本身就有高血壓，只係之前未發現到。
{adv here}
{adv here}
根據醫學報告同埋文獻指出，到目前為止仲未證實引發妊娠高血壓嘅原因，但係有一定嘅發生率，而且對懷孕媽咪同埋胎兒嚟講，妊娠高血壓潛在嘅危險性高，絕對唔可以忽視。妊娠高血壓嘅病患者唔一定會有徵兆，有啲係會因為高血壓而出現頭暈、頭痛嘅情況，但亦都有病患者完全冇症狀，只係懷孕時感到不適。
妊娠高血壓預防及治療方法
因為妊娠高血壓好難預測，所以要預防亦都唔容易，如果驗到有妊娠高血壓，就一定要防止佢惡化，醫生會按照病患者嘅症狀，去安排佢哋接受最適當嘅治療，確保媽媽同埋胎兒嘅健康。
預防
1. 生活作息：唔單止係妊娠高血壓患者，而係所有懷孕媽媽都應該有規律嘅生活作息，儘量早睡早起，要有足夠嘅睡眠先會有力氣養胎。如果在職懷孕媽媽，喺工作有空檔嘅時候就要爭取時間休息，唔好做粗重嘢或者搬過重嘅物件，儘量避免做令生活緊張嘅事，因為緊張同粗重工作，都會有機會令血壓上升。
{adv here}
2. 注意保暖：患高血壓嘅人最驚就係血管異常收縮，而天氣凍、氣溫低都會增加血管收縮，冷熱變化大都會影響血管收縮，咁樣會令高血壓嘅情況惡化。所以天氣凍嘅時候要注意保暖，唔好令體感溫度過低，增加血管收縮。
治療
證實咗患有妊娠高血壓嘅懷孕媽媽，都唔需要太擔心，通常只要按照醫生吩咐去調整生活模式，定時食醫生開嘅藥物就可以控制血壓，但係要特別注意唔可以買來歷不明嘅降血壓藥物，或者未經醫生同意自行停藥。只要做好以上呢幾點，就可以平安度過懷孕期，生一個健健康康嘅寶寶！
資料來源：華人健康網
