細個嘅時候成日聽到長輩講，飲多啲牛奶先會生得高，到底係咪真嘅呢？
蛋白質先係長高關鍵 牛奶只係其中一個選擇
事實上，牛奶含有豐富嘅蛋白質、脂肪、維他命A、B1、B2、B、D、鈣、磷、乳糖等等成分。不過，兒科醫生表示，其實牛奶當中有助生長發育嘅營養素係蛋白質，而唔係鈣質。
{adv here}
{adv here}
蛋白質係構成身體組織重要成分，可以維持人體生長、修補組織同埋細胞嘅營養素。所以飲牛奶補充蛋白質可以幫助小朋友發育，對於長高有一定幫助。
而且，含有豐富蛋白質嘅食物有好多，牛奶只係其中一種，例如雞蛋、瘦肉、魚類、豆類、堅果都含有豐富蛋白質，而且含有礦物質等等營養，一樣可以促進生長發育。
遺傳決定身高？身高潛力點樣計？
其實身材高矮除咗受到先天遺傳嘅限制，後天嘅生活習慣都係關鍵。父母生得高，子女會有更大機會生得高，如果生活習慣不良，身高都有可能不似預期；如果父母生得唔高，子女雖然受到限制，但係後天努力都有可能達到理想身高。
身高潛力公式
【男生】
（爸爸身高+媽媽身高）+12，得出數字除以2，再加減7.5cm
{adv here}
【女生】
（爸爸身高+媽媽身高）-12，得出數字除以2，再加減7.5cm
舉個例，如果一對父母嘅身高分別係170 cm同埋160 cm，兩人所生嘅囝囝嘅平均身高係171 cm，但身高潛力係163.5至178.5cm，最終身高就要睇後天因素。如果呢對父母生咗一個囡囡，佢嘅平均身高就會係159 cm，最高可以達到166.5 cm。
資料來源：華人健康網
