BB瞓覺嘅時候會又喊又笑，有時仲會郁手郁腳，不知幾可愛。好多媽媽都會問，其實呢個時候BB係咪發緊夢呢？ BB幾時開始會發夢？佢哋會唔會發惡夢？
{adv here}
{adv here}
胎兒8個月大已經會發夢
當人發夢嘅時候眼睛就會進入快速轉動期，眼球會高速轉動。而超聲波顯示， BB喺肚入面嘅時候，眼球都會有高速轉動期，眼球高速轉動就代表處於快波睡眠狀態，即係發夢。所以推斷BB係呢個時期已經會發夢。
但係BB瞓覺嘅時候微笑，並唔代表佢發緊夢。因為BB由兩個月大開始，瞓覺嘅時候就會冇意識咁微笑，但係BB因為發夢而笑同喊係有可能嘅。
BB發夢見到啲咩？會唔會發惡夢？
BB唔可以用文字同埋語言表達，所以我哋都好難確定會夢到啲咩，但係有一樣可以肯定嘅就係小朋友喺兩至三歲前都好少發惡夢。
成年人眼球快速轉動先會發夢，而BB會用睡眠時間嘅50%進行快速眼球轉動，係成年人嘅兩倍。但係BB發嘅夢基本上同佢哋腦部活動有關，因為呢個時期佢哋大部份時間都係瞓覺，仲未知咩係恐懼，所以小朋友到咗二至三歲，知道咩係恐懼嘅時候，惡夢出現嘅頻率先至會提高。
{adv here}
讓小朋友發個好夢，媽媽可以參考：
1. 晚飯唔好食太飽，飲杯牛奶可以促進睡眠
2. 沖熱水涼可以令身體放鬆
3. 唔好幫小朋友著太多衫瞓覺
4. 唔好嚇小朋友，唔好同佢講會令佢恐懼嘅故事
5. 熄燈保持睡眠環境安靜
6. 臨睡前，唔好忘記同BB講聲早唞或者我愛你
資料來源：Zi 字媒體
