對於一般準媽媽來講，自己計算胎動次數係最簡單直接嘅方法。媽媽可以喺懷孕六個月之後自行計算胎動，計算方法有2種：
{adv here}
{adv here}
第1種：喺早午晚各用一個鐘嚟測試胎動，如果平均每個鐘內有三次以上，就算正常。
第2種：每日固定揀一個時段（大概三個鐘）記錄胎動，如果三個鐘內胎動少於10次，就要睇醫生檢查。
胎動異常有原因！5因素要小心
胎動異常嘅主要原因包括：
1. 孕婦發燒
如果係輕微發燒，胎動唔會受到太大影響；如果準媽媽嘅體溫係38.5度以上，羊水溫度會上升，子宮同胎盤嘅血流量會減少，胎動就會減少， BB心跳亦會加快。
2. 孕婦食煙或服用鎮靜藥物
孕婦食煙或者服用鎮靜藥物唔單止影響胎動頻率，仲會造成胎兒發育出現異常。
3. 胎盤功能不佳
子癲前症或懷孕後期胎盤鈣化嚴重嘅產婦，由於有可能導致胎盤血流不足，胎盤提供畀BB嘅氧氣會減少，胎動就會減慢。
4. 臍帶壓迫
當BB比臍帶繞頸或壓迫臍帶時，胎動次數會減少。由於胎兒可以係羊水入面自由活動，所以BB可以自行解決，好少會發生胎兒窘迫現象。但如果纏繞得太緊或打咗死結，就會造成胎兒缺氧、胎動減少，甚至死亡。
{adv here}
5. 胎盤早期剝離
孕期出現胎盤早期剝離嘅情形，就會造成BB血流灌注不足而導致缺氧，會有生命危險。常見症狀包括劇烈肚痛，加上大量陰道出血、胎動減少同埋BB心跳減慢。引起胎盤早期剝離嘅因素包括：高齡、高血壓、食煙、多胞胎、早期破水、有胎盤早期剝離病史嘅孕婦。
資料來源：華人健康網
