母乳可以提供BB成長所需嘅營養同抗體，母乳入面仲有抗菌同埋抗敏作用，所以好多醫生都建議準媽媽餵母乳。母乳媽媽需要注意營養攝取先可以分泌出營養價值豐富嘅母乳，營養師表示，攝取多啲優質蛋白質，哺乳期間可以比平時食多兩份蛋白質，每日至少三至五碟蔬菜同埋二至三個水果，均衡攝取優質營養。
{adv here}
{adv here}
懷孕七至八個月就可以開始調養母乳品質，幫助產後提供BB最精華嘅黃金初乳，除咗攝取均衡充足嘅營養，建議每日飲雞精或者將雞精加入月子餐提升母乳營養成分含量同埋分泌量。
媽媽產後每日熱量應該控制喺2100至2300卡路里內，避免油膩、辛辣食物，攝取優質蛋白質，主要係因為分泌母乳會消耗好多熱量，亦都可以增加蛋白質、鐵質、維他命嘅吸收。
啱啱出世嘅BB同父母嘅肌膚接觸就可以建立依附關係，根據研究，肌膚接觸同早期餵哺初乳可以減少初生BB第一個月嘅死亡率、媽媽第一次接觸BB時容易出現喜悅感，爸爸都會有同樣嘅感覺，透過親密接觸，可以增加未來母乳餵哺率同埋延長餵食母乳時間。
母乳餵哺最好可以維持至少六個月，根據世界衛生組織同埋世界母乳餵養行動聯盟喺2018年更新指南，提倡親子同室，唔單止媽媽方便照顧BB，亦可以教導父母同埋全家人了解BB嘅行為同埋日常照顧事項，包括BB嘅行為暗示、點樣安撫、滿足佢嘅生理需求、了解幾時需要帶BB睇醫生、安全知識等等，以媽媽為中心，爸爸都應該要一齊參與照顧BB，令母乳餵哺可以更長久。
{adv here}
哺乳時嘅姿勢唔需要太講究，只要媽媽舒服就可以；兩邊乳房要輪流哺乳，BB食完一邊先再換另一邊，母乳有分前奶、後奶，前奶蛋白質較高，後奶就脂肪高，如果BB只係食到前奶，就會缺乏脂肪， BB就可能偏瘦。
資料來源：大紀元
