好多3歲以下嘅小朋友都發生過中耳炎，有啲仲會反覆發作，如未能及時醫治，長期發炎有可能會影響聽力，造成語言發展遲緩，嚴重發炎甚至會引起耳膜穿孔，甚至蔓延到腦部。
{adv here}
{adv here}
醫生表示，出生4至24個月係發生中耳炎嘅高峰期，中耳炎可分為急性、慢性與中耳積液等，後者喺中耳內部有液體或黏液，往往係急性發炎嘅後遺症，雖然耳膜冇穿，亦都唔會痛，但最終會令到聽力受損。
引發兒童中耳炎嘅原因多數係由於過敏或感染，造成鼻腔、鼻咽同埋耳咽管充血發炎，而當肺炎鏈球菌、流感嗜血桿菌、卡他莫拉菌等細菌經由耳咽管嘅開口到達中耳，感染引起中耳黏膜發炎，阻塞咗耳咽管最狹窄嘅部分，而細菌嘅殘餘物同埋血球，又會喺中耳腔形成黃色嘅膿，而中耳嘅分泌物同埋空氣唔可以正常排出，最後導致中耳積液。
{adv here}
小朋友嘅耳咽管比成人細同埋直，增殖腺體又比成人大，都係令到幼兒較容易發生中耳炎嘅原因。醫生提醒，患上急性中耳炎嘅小朋友多數會出現耳痛，但嬰幼兒未識得講嘢，無法以言語去表達症狀，如果家長發現小朋友經常抓耳仔、扭計、發燒、肚痾等症狀，就要多加留意。
想避免中耳炎發作，家長餵食時應該畀小朋友保持直立狀態，降低食物經由耳咽管倒灌至中耳腔嘅機率，擤鼻涕時唔好太大力，上呼吸道發炎時要特別關注。中耳炎嘅治療以服用抗生素為主，要視乎情況連續服用10至14日，家長切勿自行停藥，以免產生併發症或者復發。
資料來源：ETtoday
